上次食都已經大半年前喇，感覺上菜單都同之前冇乜分別。
鐵板餃子。
一客有六隻，上菜時會附有餃子醋。食落略為油膩，感覺真係好一般。
芥末脆炸雞翼。
上菜嘅時候熱辣辣，口感鬆脆，再加上有蜜糖芥末醬，令到件雞翼更加好食，甜甜辣辣噉樣。
滑蛋豬扒盒仔飯。
上菜嘅時候，滑蛋已經全部變成熟蛋，用熟蛋嚟撈飯真係冇滑蛋咁好食嘅，真係要扣點分。吉列豬扒外皮已經腍曬，個人就覺得麻麻地。
鐵板雞腿。
呢塊雞扒分量好大，亦都整得唔錯。雞肉鮮嫩，有肉汁，真係種去舊式扒房食鐵板嘅感覺。
總嘅嚟講，和民都算係一間不過不失嘅日式餐廳，始終和民品牌都屹立多年，而且價錢親民，再配上生日優惠，仍然有一定吸引力。
