嶼山漁水

營業中

休息中

捉緊花燈節的尾巴，趁花燈節最後一晚入大澳，順便試吓新餐廳😋基本上次次入大澳都係食橫水渡小廚，今次試呢間新嘅嶼山漁水質素都唔錯，入大澳又多一個選擇啦👏👏 （記得要訂枱先啊）🌟松針煙薰雞（半隻）平時食煙薰雞，一係就只係聞到煙薰味，但食唔到煙薰味，一係就完全冇煙薰味🤭 呢個松針煙薰雞真係食得出好香嘅煙薰味😃雞肉都夠嫩滑，唔錯👍🌟鼓油王大白蝦 大白蝦先走過油，好香，蝦殼一齊食勁香，不過如果可以再炸得脆卜卜啲，可以連蝦殼都食埋，應該仲正😋🌟鮮魚仔湯浸菠菜苗呢個超推介👍鮮魚仔湯非常鮮甜，菠菜亦夠新鮮，飲完好舒服😋 如果湯可以多少少就更好啦😆今次食嘅菜式都唔錯，下次可以再試吓其他特色小菜😋 如果唔用即棄餐具會更環保♻️