偉記車仔麵

營業中

休息中

好耐無食車仔面，今日中午嚟依間試下。今餐3餸34蚊包一杯飲品，真係良心小店，熱飲凍飲都一樣。我叫左凍檸茶，油面，餸就咖喱魚蛋冬菇韭菜餃，三個餸都各有特色，好好味。咖哩魚蛋都幾辣有4粒，冬菇大大粒忟得好入味又爽口，最正係韭菜餃真係招牌推薦，食得出係新鮮包唔係急凍餃子👍🏻我叫左2溝湯底牛腩汁+咖哩汁，好豐富，老闆好有禮貌好好人，完全無嫌我麻煩多要求😆檯頭仲有辣椒油，覺得唔夠辣可以再加少少更加提味。以咁價錢嚟講份量都岩岩好，而且十分之好味，絕對係有特色既車仔面。😊整體嚟講係一間好抵食既車仔面，會再幫襯試下其他餸。