稻埕飯店 (K11購物藝術館) (已結業)

✨稻埕飯店源於台灣「大稻埕」飯店，以滷水醬埕作概念，供應多款創意台菜及飲品。🌸K11分店的裝修非常有台灣古早味，以那些年的古早回憶做為主題，天花有大齒輪及阿拉伯數字,復古時計有穿越時空的感覺，同時餐廳擺放舊有台灣稻穗、醬埕等裝飾。餐廳環境好坐，設有好多皮梳發，空間感滿滿。🍀話梅小山藥：山切成一粒粒嘅山藥用透明雪糕杯裝住，好似食咁甜品咁，但其實係開胃小食，話梅咸中帶甜，山藥又浸在酸咪咪嘅自家製料汁中，同話梅好夾，口感爽脆十分開胃！🌙花枝月亮蝦餅：炸得啱啱好，外脆內彈，花枝同蝦膠質感好彈牙。🍚稻埕招牌滷肉飯：滷肉飯飯粒飽滿，個滷汁嘅味道好濃郁，加上滷得剛好嘅豬肉，入口即化，仲配埋半邊糖心蛋，好味賣相亦好正。🐂香煎美國安格斯牛腓力配燒鳳梨 芭樂醬牛肉煎得啱啱好，肉質鮮嫩，一層牛肉一層鳳梨嘅擺盤，燒鳳梨多汁香甜，同牛肉好夾，令牛肉啲口感層次好豐富，沾上芭樂醬，真係好好味！🦀️蟹鉗肉酥蛋捲系用咗五隻蟹鉗拆肉整成，蟹肉同蛋捲埋一齊，口感非常扎實。🥚桃膠燉蛋白蛋白好滑好濃郁！蛋味濃郁，而且不算太甜，桃膠燉得夠冧，口感層次豐富。