泰源獅城風味

營業中

休息中

旺角呢間餐廳幾抵食，佢專食海南雞、肉骨茶、麻辣香鍋，都幾多款式👍🏻新加坡海南雞餐$88雞已經起骨啖啖肉，配有三隻醬汁，蔥蓉、酸辣、星加坡豉油。雞油飯幾香，唔會太油膩。新餐仲配有一碗仔喇沙湯添。香鍋套餐$88香鍋我哋揀咗麻辣口味，配料有牛肉片、豬肝、蝦、魚柳同埋墨魚丸，撈埋下低啲米線一齊食，好香好惹味，辣度有得揀，微辣啱晒我哋口味。香蒜黃金海鮮炒飯$78炒飯好香蒜蓉味，有好多海鮮粒，有墨魚粒、蝦仁、蜆，仲有啲翠玉瓜粒炒埋一齊，炒飯炒得幾爽身，粒粒分明。滷水豆腐$38滷水豆腐入晒味，一碟份量都幾足。