Check In ThaiViet (已結業)

放假呢幾日去咗西營盤嘅，雖然周圍都係文青系Cafe，但同朋友又想食其他嘢，撳撳下Openrice搵到呢間新開嘅越南泰國菜～ 🦐泰式焗虎蝦粉絲煲本身鍾意食乾身嘅粉絲煲，餐廳嘅粉絲煲做到乾身又夠味，食到底發現廚師加入咗好多唔同嘅香料。大蝦爽口彈牙。*製作需時，要注意*🦀青芒果軟殼蟹沙律如果唔食辣嘅就要小心，如果食中咗辣椒都幾辣嘅，酸酸地帶辣都幾醒胃，軟殼蟹外脆內軟。而佢哋嘅魚露可以分開上，呢個係細心位值得加分。🍢串燒沙爹（6串)食得出串燒係用烤嘅而唔係炸，有肉汁唔會乾爭爭同埋都夠香夠味，點埋花生味濃嘅沙爹就更加香口惹味。