影片
更多
2023-11-26
9 瀏覽
今日同朋友去左isquare買少少野，經過見到呢間餐廳裝修設計好特別，一睇之下原來係泰國餐廳，見到其他食客枱面上食物賣相好吸引，結果我同朋友都一致決定要試一試。餐廳地方唔算太大，但坐得都好舒服，唔會有種趕頭趕命既感覺，呢間餐廳係用QR Code落單，真係環保又慳返好多時間。半隻海南雞黎泰國餐廳當然要試一試海南雞，佢煮得岩岩好，而且啖啖肉，每一件都好鮮嫩同好多汁，加埋佢個特製醬汁，食落好夾同好惹味。泰式冬陰功湯呢排天氣涼左想飲返d熱湯，加上見到menu已經比個冬陰功湯吸引住，果然，一上菜既時候已經見到顏色好靚，飲落味道酸酸辣辣，非常開胃。而且個湯既配料十足，性價比極高。泰式風尾蝦炒金邊粉機乎每一枱都必點既一道主菜，有成4隻大蝦，食落好爽口彈牙，而且金邊粉炒得夠乾身，配上其他調味非常開胃呀。泰式燒豬頸肉賣相簡直100分，厚度同份量都適中，而且個外層好香脆，配埋個汁酸酸辣辣，好香又惹味泰式青咖喱雞由於朋友唔食得辣但又想試下咖喱，我就建議不如試下青咖喱，因為青咖喱係好香甜又唔太辣，所以我地揀左青咖喱雞，雞肉份量比想像中多，而且個咖喱好香濃椰香味，加埋其他配料，想加多一碗飯啊！芒果糯米飯我同朋友
餐廳地方唔算太大，但坐得都好舒服，唔會有種趕頭趕命既感覺，呢間餐廳係用QR Code落單，真係環保又慳返好多時間。
半隻海南雞
黎泰國餐廳當然要試一試海南雞，佢煮得岩岩好，而且啖啖肉，每一件都好鮮嫩同好多汁，加埋佢個特製醬汁，食落好夾同好惹味。
泰式冬陰功湯
呢排天氣涼左想飲返d熱湯，加上見到menu已經比個冬陰功湯吸引住，果然，一上菜既時候已經見到顏色好靚，飲落味道酸酸辣辣，非常開胃。而且個湯既配料十足，性價比極高。
泰式風尾蝦炒金邊粉
機乎每一枱都必點既一道主菜，有成4隻大蝦，食落好爽口彈牙，而且金邊粉炒得夠乾身，配上其他調味非常開胃呀。
泰式燒豬頸肉
賣相簡直100分，厚度同份量都適中，而且個外層好香脆，配埋個汁酸酸辣辣，好香又惹味
泰式青咖喱雞
由於朋友唔食得辣但又想試下咖喱，我就建議不如試下青咖喱，因為青咖喱係好香甜又唔太辣，所以我地揀左青咖喱雞，雞肉份量比想像中多，而且個咖喱好香濃椰香味，加埋其他配料，想加多一碗飯啊！
芒果糯米飯
我同朋友每次食泰國菜都一定會點芒果糯米飯，呢間餐廳既芒果糯米飯非常出色，飯重係暖暖地而且勁好煙靱，面頭鋪上大量椰汁，加上超甜芒果簡直係絕配。
泰式街頭椰子粟米雪糕
呢個甜品對我地黎講好有驚喜而且好有誠意，有椰子肉，粟米，另外中間有椰子雪糕，味道勁濃，岩晒椰子控既我。雪糕底下有糯米飯！第一食呢款甜品，絕對會有下一次。
泰式椰子刨冰
雖則天氣最近轉涼，但都無阻我要食椰子刨冰既慾望，話明係椰子控既我，當然要試下，果然超超超級香濃既椰子味，飲落好香，配埋刨冰口感好豐富。
張貼
