星海．譽宴 (鱷魚恤中心)

營業中

休息中

每次同屋企人出街食晚飯，都會首選食中菜，今日我地一家去左鱷魚恤中心2樓的譽宴．星海食晚餐。餐廳裝潢以寶藍色為主調，天花上的燈飾超搶眼，好有氣派，而且環境寬敞，坐位與坐位之間有一定的距離，坐得舒適雪梨無花果花膠燉湯入面非常足料、有雪梨、無花果、花膠、豬腱、非常滋潤清甜紅梅沙拉骨沙拉骨炸得香脆，配上酸酸甜甜的蜜糖芥末味沙律醬，非常開胃鳳梨咕嚕肉咕嚕肉外面炸得非常香脆，入面啖啖肉，餐廳用上新鮮菠蘿，新鮮菠蘿鮮甜多汁，個酸甜汁調較得好好，酸酸甜甜好開胃，送飯一流澳洲龍蝦伊麵賣相非常吸引，龍蝦好大隻，啖啖肉，鮮甜味濃，爽口彈牙，伊麵吸盡龍蝦的精華，伊麵掛滿湯汁，味道一流