滿山‧台北

營業中

休息中

今晚嚟咗將軍澳東港城搵食,依間台灣野裝修幾特別,同朋友坐咗個卡位,夠晒寛闊舒適,先看看餐單,選擇多，點了一個蟲草花鮮菇湯,個湯一上枱熱滕滕有火熱住飲，第一啖入口勁有鮮菇味，本人很喜歡蟲草花加埋一齊,讃!再嚟點埋個台式夜市小食拼盤,有最愛既鹽酥雞扒,夠香口脆口,係台灣既味道,炸咗既福洲魚丸,好食!烤手工香腸,配蒜片食,香香甜甜好好味,一貫台式風味!最後點了濃濃蕃茄豬肉鍋,又係熱住上枱,欣賞!成個鍋有好多配料,有魚丸,鴨血，牛丸,肉羹,油豆腐,娃娃菜,四季豆,金針菇,加埋冬粉,仲有豬肉片,試咗啖湯底,夠晒濃郁蕃茄味,二人食夠晒飽,最後點埋個套餐送既桂花豆漿,好清新!整體同朋友嚟食飯吹吹水都係一個不錯既地方.