深宵食堂

營業中

休息中

餐廳佈置幾用心，好有日本居酒屋嘅感覺，同埋而家啤酒買一送一都幾啱約埋朋友出嚟聚吓。黑松露海鮮炒烏冬烏冬份量好足夠，炒出嚟都好惹味，偏濃味嘅送啤酒一流。和牛粒石鍋飯呢個勁多和牛粒，超級抵食，個飯底又飯焦嘅燒得幾香口，配埋個蛋黃汁一齊食勁開胃，呢個必叫。燒煙肉蠔塊煙肉燒到脆邊，個蠔都燒得啱啱好用料幾靚，食落去勁濃嘅蠔味。燒蒜香大啡菇燒得啱啱好，唔會成口油，一咬落去就好濃嘅菇味。免治雞棒免治雞個醬汁調味好好味。鹽燒雞翼雞翼燒得幾乾身，師傅對燒物嘅火候掌握得幾好，又係送酒必點。豚肉露筍卷蘆筍嘅份量勁多，一口咬落去成口都係蘆筍同埋都係燒得啱啱好，連埋豚肉包住一齊食勁正。