影片
更多
2007-04-05
13 瀏覽
有朋自遠方來,洗塵宴在銅鑼灣舉行,由其中一名honhon提議去金百利,經過電腦篩選之後,今餐食泰國菜。一入門口,大家被呢度裝修吸引住,尤其是門口部泰國的士同埋自成一角既座位,的確幾特別又夠私隱!!大家打開本設計特別既木板菜譜研究後,勁叫下列菜式:泰式拼盤:內容有唔知係蝦餅定魚餅、炸芒果、魷魚圈、炸雜菜;最特別係炸芒果,味道甜甜酸酸口感淋淋,其他則一如一般炸物,夠香口。清炒椰菜苗:好耐無食過椰菜苗,炒得還ok,稍嫌未太夠鑊氣,如果可以加上咸魚應該會好食好多。柚子沙律:柚子肉好飽滿味道甜,並無一般柚子個種苦澀味,加上雞肉、花生同花生醬,味道較重同立口,同以前香辣屋所食個種酸辣味道唔同,各有特色。炒貴刁:造型超靚!!貴刁被蛋網包住,面頭仲有隻大蝦,外型已經夠吸引!!味道都唔錯,不過呢款貴刁味道甜酸,同以前食過既豉油/辣味道唔同,河粉口感夠彈牙,稍為乾身少少。紅咖喱豬肉:上檯時香氣撲鼻,紅咖喱唔太辣,加上椰漿味道更香;豬肉片唔算太多但夠瘦;仲有唔少泰式茄子在碗底,個人覺得茄子比豬肉更好食;最高興係有幾條九層塔在內,正!!薄餅:覺得好似超市急凍貨色,完全無難度!但用黎點紅咖喱的確好配合!好味!!
一入門口,大家被呢度裝修吸引住,尤其是門口部泰國的士同埋自成一角既座位,的確幾特別又夠私隱!!大家打開本設計特別既木板菜譜研究後,勁叫下列菜式:
泰式拼盤:內容有唔知係蝦餅定魚餅、炸芒果、魷魚圈、炸雜菜;最特別係炸芒果,味道甜甜酸酸口感淋淋,其他則一如一般炸物,夠香口。
清炒椰菜苗:好耐無食過椰菜苗,炒得還ok,稍嫌未太夠鑊氣,如果可以加上咸魚應該會好食好多。
柚子沙律:柚子肉好飽滿味道甜,並無一般柚子個種苦澀味,加上雞肉、花生同花生醬,味道較重同立口,同以前香辣屋所食個種酸辣味道唔同,各有特色。
炒貴刁:造型超靚!!貴刁被蛋網包住,面頭仲有隻大蝦,外型已經夠吸引!!味道都唔錯,不過呢款貴刁味道甜酸,同以前食過既豉油/辣味道唔同,河粉口感夠彈牙,稍為乾身少少。
紅咖喱豬肉:上檯時香氣撲鼻,紅咖喱唔太辣,加上椰漿味道更香;豬肉片唔算太多但夠瘦;仲有唔少泰式茄子在碗底,個人覺得茄子比豬肉更好食;最高興係有幾條九層塔在內,正!!
薄餅:覺得好似超市急凍貨色,完全無難度!但用黎點紅咖喱的確好配合!好味!!
海鮮粉卷:外型同港式粉卷相似,不過內容變成魚肉、魷魚肉、甘筍....相對其他濃味食物,呢款味道較為清淡。
甜酸炒雞肉:呢個甜酸汁真係幾好味,有d似京都骨味道,雞肉份量都唔少,送飯應該好好食。
服務方面,人手似乎唔太足夠,見唔見到幾位泰國女侍應要講彩數,未需要點菜時會經常性為客人添暖水,到需要服務時就未必即時搵到,但態度尚算有禮;另外2位泰籍男女歌手唱live,唱在好多國語/英文老歌,發音雖然未算太正確,但已經唱得唔錯。
張貼
