Attic Handmade Pasta (已結業)

呢日喺尖沙咀做完運動同好友喺附近食飯，佢就揀咗呢間餐廳。 上到嚟發覺之前嚟過咁喎，但餐廳名字無印象，應該易咗手了，即管試試個水準先！叫咗個Dinner set同Risotto 開心share~【Welcome tart】入面有蟹肉同洋蔥，一口撻。【自家製麵包】【日式醬油漬溏心蛋黄多士】酥餅上面有黑松露意大利軟芝士同魚子醬，酥脆可口。【是日餐湯】大蒜薯仔湯質地濃稠。【番茄白酒青口手打意粉】 朋友大讚，話好鍾意個口感。【金蠔味噌意大利飯】我就鍾意呢個飯，每啖飯都有好香濃嘅蠔鮮味，面頭仲有焦糖包封住兩隻香煎金蠔，剛好一人有一隻。【法國釀無骨春雞】叫咗春雞，因為有豐富蛋白質，啱晒做完運動嘅我哋。 雞肉做得好嫩滑，去晒骨啖啖肉，配搭羊肚菌汁都幾夾。【是日甜品】有兩款選擇，我哋揀咗tiramisu，有意外驚喜喎，質地幼滑，而且咖啡味好重，好正！最後梗係要一杯熱咖啡放鬆吓，再chit-chat啦！