SAYAM Thai/Bar (已結業)

放工一入到去餐廳發現好有情調，坐得好舒服，餐廳擺左百合花，有陣陣嘅花香，超級浪漫，個窗邊好似教堂咁，餐廳播嘅歌都好好聽。《蛋漿咖哩虎蝦+蒜蓉包》- HK$288成晚嘅亮點，待應遠處拎黎望到已經好吸引，擺盤好靚，啲🦐擺得好生動。食第一啖蒜蓉包加汁嘅時候，已經好味到不得了，即刻加左碗飯，啲咖喱同飯係絕配，甜甜地，帶椰汁同蛋味，好好味。蒜蓉包都好夠味，但淋左少少，蝦都幾大隻同彈牙。《香草炒蜆》- HK$188味道有啲似豉椒炒蜆，但帶香草嘅香味， 感覺清新啲，蜆都新鮮亦無沙。 《馬來盞通菜》- HK$88味道濃郁，亦唔會過鹹，帶微辣，好惹味。