The Stadium (已結業)

由銅鑼灣B出口經過銅鑼灣廣場一期，行上天橋就去到The Stadium ，喺正銅鑼灣廣場一期對面，交通方便。由大門一入去就見到有張桌球抬😚食完飯就可以去玩。今晚想食得簡單D，揀左巴馬火腿配無花果$88，火腿夾埋啲沙律菜一齊食就最夾，無花果裏面仲有自家製芝士醬。美式芝士通心粉$98，芝士溶入通心粉，鍾意食芝士就最啱。美國極黑毛豬$168，份量都好多，配菜有茄子蕃茄薯仔等。甜品係特濃朱古力蛋糕$88，朱古力味好濃，同埋雪糕一齊食係最佳配搭😋