皇后飯店

營業中

休息中

超過半世紀懷舊餐廳🍽皇后飯店環境舒適，樓底高，80,90年代店舖裝飾，店內有簡單聖誕布置同播放著聖誕音樂頗有節日氣氛。午餐亦算多選擇，有老牌餐廳必定有嘅串燒牛柳，肉質嫩滑夠juicy，黑椒汁亦做得幾香，但羅宋湯就比較失色無坊間講得咁好，成碗湯只得一小塊蕃茄一小塊肉，甜酸味道算適中，但如果為碗羅宋湯而嚟就可能有啲失望。服務同出餐亦有上調空間，當日比較早去，午餐時候只有幾枱客人，餐湯未飲完就上主菜，主菜未食完就上咖啡，食完主菜亦無人收碟，我已經故意放到枱角邊，服務員望到都無理會，如果繁忙時段可以理解，但當時都算靜，幾個服務員仲喺度傾計，照理老牌餐廳唔應該有呢啲低級錯誤，希望下次再去會有所改善。