魔法甜品屋

營業中

休息中

今日同老公阿囡，山長水遠入去粉嶺同家人歡聚，飲完茶，見唔係好飽，咪搵間甜品店食吓。 這區嘅甜品店選擇唔算多，今日揀咗魔法甜品屋。這店款式唔多，但價錢比市區實惠，今次揀咗兩款甜品，整體味道比想像中好，我入開粉嶺會再來幫襯。芒果雪糕小丸子，芒果汁底杰身，芒果香甜濃郁，小丸子煙煙韌韌，口感甚佳。三寶湯丸燉椰皇，有芝麻、紫米奶皇同花生三款湯丸，每款兩粒，承惠$29，好抵食。湯丸餡料一般，味道過甜，勝在外皮軟糯，又煙韌，做得幾好。最欣賞係個糖水，熱辣辣，好香椰味，質感既濃郁又唔太甜，好滋潤同和味。