蠔站 (傲雲峰)

營業中

休息中

一直以嚟都知道呢間餐廳嘅存在, 不過一直都無試過, 難得我終於捨得離開屋企, 正正經經咁落街食飯, 所以就去試吓呢間餐廳。本來比外面嘅座位吸引住, 不過自知頂唔順「呼吸」嘅味道, 所以打消念頭, 入返餐廳裡面坐。🦪 海鮮刺身拼盤🍴8款不同生蠔 (2款法國, 2款蘇格蘭, 4款韓國): 由比較淡味, 之後 creamy, 食到後期好重海水味, 全部生蠔都好新鮮好好味!🍴甜蝦刺身: 爽口甜美!🍴加拿大翡翠螺: 本來以為無乜特別, 估唔到會係咁鮮甜, 口感亦都好彈牙!🍴扇貝刺身: 雪得太凍, 無乜扇貝嘅鮮味…🍴活赤貝刺身: 好厚肉, 好新鮮!🥩 美國USDA CAB 肉眼扒 (12安士)肉眼扒配木盤其實真係靚過普通白色碟好多, 肉眼扒嘅肉汁慢慢流落去用嚟墊住肉眼扒嘅翠玉瓜, 菇菇同栗米度, d配菜亦都燒得剛剛好, 唔會燒到乾爭爭, 鮮甜好食! 牛油薯蓉好香滑, 忍唔住一啖接一啖咁食。半熟嘅肉眼扒燒得很香口, 肉味香濃, 保持大量肉汁, 好Juicy!整體食物, 服務都好好, 雖然有d貴, 不過都值得再食。