明發茶室 (已結業)

招牌醬爆肉&椰菜餃上海麵椰菜餃好清淡，裡頭仲有冬菇，個人覺得幾好食，餃子皮同餡既比例剛剛好。醬爆肉好似叉燒醬炒豬肉好香但偏咸份量一Ｄ都唔少。加埋辣菜甫我成碗食哂～仲有試左蝦子雲吞，細細隻，雲吞皮好薄又滑，蝦子冇偷工減料，但係幾咸下。如果減少Ｄ咸味就好啦～食完成碗麵都唔覺得特別口渴，另外都有睇到其他人既食評，平心而論服務態度又冇咩特別差，份量又唔少。如果係想醫下肚又唔知食咩好，其實佢都係一個不錯選擇。