金亞淶泰國餐廳

營業中

休息中

大約十二點嚟到， 好彩早到，接近一點就越嚟越多人； 朋友多次讚好，所以我哋幾個 相約今天得閒 食返一餐。我哋都肥，不過坐得都 okay，好彩真係未到食飯時間，如果唔係真係同人逼餐死。黃咖哩牛筋牛腩飯， 都唔錯 ，不過比起上次我食過就真係跌咗少少 watt ，唔夠濃味亦唔算夠辣。飲品 青檸檬 蜜糖 比較好一般 ，椰汁冰 就麻麻， 冬陰功河粉都算幾好 我都飲咗半碗。蝦餅覺得啲蝦唔夠彈牙 ，沙嗲我就唔係好覺得好食， 硬係覺得沙嗲味唔夠濃。通菜都 ok 嘅， 海南雞算好食。唔係話差但係同我美麗嘅夢想就差一段距離。我唔會怪責任何人，只不過係我嘅要求同埋夢想 可能多咗一啲， 見到佢評分四點幾 所以就有所期望。唔緊要好唔好都係一餐，自己開心啦。