金田家 (已結業)

之前係元朗行街，食過依間拉麵都幾好食，見荃灣開左，就即刻去試食‼️入到去環境都算坐得舒服，唔會坐得太逼。今日試食辛子黑蒜拉麵，但黑蒜味唔濃，湯底都麻麻，唔算係好入味。叉燒都麻麻地，所以成個拉麵味道都一般，有啲失望。另外朋友就叫左一碗柚子辛口拉麵，佢話個味道都好淡，食唔到柚子味，得個辣字，都唔係太出色。成餐飯最好味都係碟餃子，煎得好香，餡料都好足，但係得四隻，份量偏細。食物價錢都有啲偏貴，埋單兩人平均$100消費。