金興小廚

營業中

休息中

今日屋企人冇煮飯，同左佢地出去屋企附近食晚餐😼入到去老細送左人頭例湯，好熱情咁介紹有咩好食👍🏻例湯清甜入味，老細堅稱冇落味精，有幾舊煮到好淋的木瓜，係家常味道😋叫左椒鹽鮮魷（$98）上到嚟比佢個樣嚇親，脹卜卜嘅皮夠脆，但魷魚本人唔太新鮮冇乜味😢咕嚕肉（$98）好多配菜，酸酸甜甜好夠味，肉嘅脆皮點曬醬都仲夠脆，好食推介✨蒜蓉炒白菜仔（$58）呢個價錢嚟講有啲失望，比起坊間同價錢嘅細份，雖然有粒粒蒜蓉喺面，但冇味到以為係白烚😢椰汁栗子雞煲（$108）好香椰奶味，但栗子炆得唔夠淋，雞夠滑嫩，正常發揮👍🏻有驚有喜的一餐，但人情味好夠，下次想食圍飯可能都會再食😼