忠孝東路

營業中

休息中

同朋友約好响國際廣場行街見到呢間門面光鮮，感覺和諧，環境闊落，多人仲有半圓梳化位置坐，入餐廳之前都要先量體温，我地安排左坐入面既二人枱位置，餐牌款式選擇多，我地揀左兩款午餐，一款係鳳梨黑醋骨配珍珠飯，另一款係忠孝牛肉湯麵，黑醋骨細細粒加上酸甜醬開好醒胃，份量都幾多嫁，牛肉麵既湯底香濃，牛肉好厚，麵比較幼身彈牙，午餐加配既飲品我地揀左是日冷泡冰果茶，芭樂加葡萄既果茶又幾特別，唔係好甜，小食我地叫左鹽酥雞炸到好香脆又唔會太硬，蚵仔煎半透明薯粉加蛋煎成，好香蛋味同蠔肉，還有叫了厚燒櫻花蝦塔香烈蛋角，主要是蛋入面包住櫻花蝦煎成的蛋餅，蛋味香濃。