御泰坊-泰越菜 (已結業)

景樂集團最近做推廣，二人餐半價優惠期為3/9/18-16/9/18，而御泰坊就有哩個二人餐做優惠。以哩個二人餐嚟講，最鍾意就係頭盤嘅三款小食，炸蝦餅彈牙，木瓜絲沙田酸酸地，開胃醒胃，而米紙卷保持一貫嘅質素，好味😁冬蔭公湯好味，每碗都有兩隻蝦，不過辣咗少少😄如果個餐可以一個冬蔭公湯一個粟米南瓜湯就更好，可惜兩碗湯一定要同款🙄咖喱牛腩咖喱味道好好，用嚟撈飯一流。但係椒鹽豬扒就太乾身，有D乾到好難咬。😏蒜蓉西蘭花蓮藕味道唔錯，蓮藕好爽口😆今次二人餐嘅甜品係細細件嘅芝士蛋糕，但係食完先記得冇影添，味道都👌嘅。