泰金船

營業中

休息中

住咗馬鞍山幾年，今日終於過嚟試吓呢間小店，喺大水坑村同一條街有三間泰菜舖頭，會陸續試埋其他兩間。今日就黎食午餐，叫左兩個主食同一隻燒全雞翼。一共食左$142。第一個係紅咖喱牛肉飯，佢個紅咖喱就唔係好辣個種，食到有少少甜味同香料味，再配一啲菜，食落唔會覺得好重味同好鹹，食完個飯都唔會好口渴。第二個就係酸辣雜菜上湯粉絲（豬肉），兩個相比下呢個就比較開胃啲，佢個湯底酸酸辣辣大少少甜，再配埋粉絲食就好夾，佢嘅豬肉都好嫩口。