大瀛喜日本料理 (已結業)

太耐冇食放題 真係唔知原來放題而家晏晝都可以咁旺 全場幾乎坐滿 平日晏晝二百幾蚊位 都算抵食嘅 因為 食物款式真係好多餐廳使用QR code落單 送餐速度非常之快 是一間非常有效率的餐廳點完嘢食之後出去自助區打個圈睇下有咩嘢食先，湯物/炸物/日式韓式前菜/沙律菜/甜品/飲品樣樣齊凍海鮮有青口和海蝦，新鮮程度唔錯，肉質彈牙有鮮味。炸物食嘅時候仲係熱辣辣， 剛剛炸起非常香口，脆卜卜。刺身來了！！好豐盛唷，種類好多，一般三文魚/吞拿魚/帆立貝/甜蝦 放題必有的，但令我驚喜的是有螺刺身及海蜇提供，個人認為羅刺身幾好食，超脆口！壽司手捲都幾好㗎，款式選擇及味道唔會比壽司店差， 件件小巧精緻，可讓客人食多幾種唔同款式。串燒之中我最愛牛舌，質感爽彈有咬口 juicy。最有驚喜估唔到係燒菠蘿 超甜超多汁。放題有得任食鮑魚，餐廳果然落重本，食多幾隻回本冇難度。蟹粥 粥底綿滑，有粒粒橙黃色嘅蟹膏， 味道鮮甜甘香，真材實料。酸菜魚都值得一吃，魚肉嫩滑，湯底開胃。最後記得留肚食雪糕 雪條， 除咗有現成嘅雪糕雪條之外，仲有餐廳自家製嘅甜品，如果我有十個胃就好啦，樣樣都好想食。