影片
更多
2021-06-07
531 瀏覽
之前係Instagram見唔少食評讚佢地嘅bagel好食，作為立志食曬全港bagel嘅我就決定今日下晝同朋友試試佢。地點方面，The Brew Corner位於火炭工業區，火炭依個位對於非沙田友黎講的確幾唔就腳，因為火炭唔多巴士直到，好多時都要轉車。好彩餐廳好近地鐵站，D出口直行三至四分鐘轉角就到。行到入去，餐廳比我想像中細，大概得10-15個吧枱位。好彩去嘅時候係下晝4點，比較少客，唔洗等位不特止仲坐到個近窗對街嘅自摺位，好適合同朋友兩個靜靜地吹下水。餐廳主打西式輕食，主要提供bagel/toast/sandwiches同咖啡。佢有好多包同餡料嘅選擇，我嗌左Organic Chicken Breast Bagel ($68)，加錢要左NY Everything Bagel (+$10)。而我就諗食包唔跟野飲濕下口點得，所以再加錢嗌左較健康嘅Super Green Smoothie (Combo +$24，原價$34)。第一樣想讚佢個presentation：店員好細心將bagel切左一半，同用紙包住方便客人攞住黎食，隨餐跟左個細沙律，放係個日式木托盤上面，成件事好簡約清新。Bagel
行到入去，餐廳比我想像中細，大概得10-15個吧枱位。好彩去嘅時候係下晝4點，比較少客，唔洗等位不特止仲坐到個近窗對街嘅自摺位，好適合同朋友兩個靜靜地吹下水。
餐廳主打西式輕食，主要提供bagel/toast/sandwiches同咖啡。佢有好多包同餡料嘅選擇，我嗌左Organic Chicken Breast Bagel ($68)，加錢要左NY Everything Bagel (+$10)。而我就諗食包唔跟野飲濕下口點得，所以再加錢嗌左較健康嘅Super Green Smoothie (Combo +$24，原價$34)。第一樣想讚佢個presentation：店員好細心將bagel切左一半，同用紙包住方便客人攞住黎食，隨餐跟左個細沙律，放係個日式木托盤上面，成件事好簡約清新。Bagel係自家製，入面夾左雞胸、生菜、蕃茄、芝士同牛油果等等，睇得出佢落足料，一啖係咬唔曬嘅。個包整體黎講好食，但唯一少少失望係個NY style bagel唔夠煙韌同硬皮，下次我未必會加錢轉。Smoothie飲落都係好足料，啖啖都好重水果味，略嫌少少甜，但斷估佢唔會落糖，所以就安慰自己應該係好健康～
整體而言，一個包加飲品食左$102。價錢黎講唔係平，因為唔算飽肚，當lunch黎食未必夠。但比較市面上賣差唔多價錢嘅bagel，佢算做得幾出色，加上環境舒服，所以對於中意食bagel嘅人黎講，依間係可以一試嘅！
張貼
