將軍會館

營業中

休息中

同事介紹《將軍會館》有好嘢食，今日約個住觀塘的朋友一齊去會一會這個將軍，餐館位於新都城中心，交通方便，一出寶琳站行多幾分鐘就到。店內環境分開唔同區域，會有圓桌獨立房，出面散叫也有大長枱，大部份都有間開嘅位置，私隱度夠高，二人都有這些"卡位"，傾計都好方便。呢期係推澳洲龍蝦，年尾團年飯都好啱食，兩個人都可以嗌細隻啲，朋友話呢餐要一嘗龍蝦嘅滋味。西澳龍蝦(約一斤)~龍蝦開邊上，多肉，龍蝦肉都夠爽口，煮嘅時間剛剛好，都可以加$30有伊麵底，薑蔥炒得香口。片皮鴨(半隻)~半隻份量都唔少，師傅片得好靚，件件鴨皮件件脆，鴨肉嫩滑，配菜有京葱絲、青瓜、沙葛條等，樣樣爽甜，擺盤精美，最緊要加入我最鍾意嘅甜醬，一整籠嘅麵皮熱辣辣上，起碼有十多塊，大家記得趁熱食。最後叫咗兩個甜品，栗子蓉西米焗布甸~熱辣辣，香噴噴，食到栗子粒粒，唔會太甜好啱我，最重要唔係周圍可以食到，今次可以滿足埋我呢個願望，正啊！桂花陳皮燉雪梨~原個雪梨燉，賣相好靚好吸引。