殿 大喜屋

如果大家有睇開我食評嘅話，都知我去過大喜屋，亦有好好體驗！今次係我媽媽生日佢話想食好啲，所以我帶佢哋嚟今次嘅殿，大喜屋。就咁入嚟，已經闊落好多，仲有自助餐嘅位置，坐得舒適，成家人都非常之滿意呀

三文魚

甜蝦

我哋而家二話不說一日去咗刺身拼盤先，三文魚係厚切架！甜蝦亦都非常之新鮮，唔錯唔錯！其實佢仲有好多唔同嘅刺身，但呢度就冇大蝦

清酒

呢度嘅好處係有酒飲！我自己就拎左支凍嘅清酒飲，仲係任飲㗎添

炸雞翼

熟食方面我地最鍾意就係炸雞翼啦！ 個皮炸得好脆！入邊啲肉又夠嫩喎真係好正啊！

水果

之前咪話咗有自助吧嘅，呢度有任攞嘅甜品同埋生果

雪糕

雪糕仲有哈根大師同埋海鹽味 其實佢仲有朱古力movenpick 仲有榴槤波波 真心好正

綠茶沙冰

如果覺得甜品唔夠喉嘅話，仲可以叫個沙冰黎食下！呢個綠茶味沙冰綠茶味非常之夠又唔會太甜加埋唔同嘅配料真係好正

呢間雖然就係比起平時嘅大喜屋貴啲，但真係物超所值，多好多款唔同嘅嘢食之餘又好高質喎！如果大時大節嚟食真係唔錯架！