象泰宴

營業中

休息中

最近聽講青海圍果邊開咗間新嘅泰國餐廳於是就約埋朋友一齊去探下險。當時6點半去到嘅時候已經坐滿咗一半，餐廳內有一邊喺有卡位私人度高d緊喺坐卡位啦。餐牌上都好多選擇同埋圖文並茂好方便，先有個免費嘅小蝦片送比客人，我地點了招牌去骨豬手煲同焗黃咖喱麵包軟殼蟹，月亮蝦餅， 酸辣鳳爪沙律 仲叫咗杯嘢飲。飲品喺張紅火龍果攪碎再面上加上芝士泡泡，超香濃嘅芝士泡泡再配上火龍果汁感覺別有一番風味。 首先先嚟酸辣鳳爪，鳳爪用多種香料撈埋一辣辣地刺激了食慾。到了個咖喱軟殼蟹，軟殼蟹數量十足餐廳一d都唔孤寒，香口又滑溜嘅咖喱汁齋用麵包點嚟食已經不得了吸晒d汁好味到停唔到口。豬手份量亦都一樣非常之多，豬手煮得好入味軟腍腍的好易入口，女士們補骨膠原嘅時候來了hahahahaha最後個蝦餅都到了，份量都一樣超大碟不是平時一舊舊切半果隻，呢款喺一大塊蝦餅再用春卷皮包住嚟炸有d似以前喺酒樓食果款舊式炸魚餅嘅感覺 配上2種醬汁可點 香脆可口。雖然仲有幾款特色甜品但因為太飽食唔落了，呢間餐廳抵食夾大件又坐得舒服，之後都會繼續再嚟食過。