口麻天辣

營業中

休息中

呢一晚同朋友出嚟食飯，朋友好鍾意食酸菜魚，於是喺 V Walk 商場揀咗呢一間，呢間酸菜魚好特別，除咗因為顏色夠 Pink Pink，印象最深刻嘅應該係...應該係我食過咁多間酸菜園魚裏面，最細嘅一間鋪頭，舖頭細到一眼就見曬，轉身都轉唔到，走廊都過唔到，可能因為坐位太少嘅關係長時間都 full，而且好多人都叫外賣。鋪頭嘅裝修設計好 Pink Pink，係佢最大嘅賣點，唔單只係裝修，就連餐具，甚至外賣盒，都係好 Pink Pink。我哋嗌咗一個蕃茄魚，同埋一個酸菜魚，都係一人份的，新店開幕，做緊 promotion， 第二份魚半價，所以好抵食！再加多幾份小食加埋都係二百幾蚊，不過講真味道方面就冇乜特別，同埋餐具感覺有啲舊，雖然係新開嘅舖頭，但係餐具感覺有啲舊，畀人感覺好似係二手買返嚟。