80
6
4
等級3
93
2
杏甜品之前响尖沙咀,旺角都有分店,葵芳新都會廣場 4 樓嘅新店更主打素食,實在係一眾素友嘅好消息。🎉你可能會問,甜品店梗係素食㗎啦,唔通糖水會落肉咩?冇錯我心中都有呢個疑問 🤣,但睇咗佢哋餐牌就會明白:一來佢哋將食品標籤得好清楚,係全素定蛋奶素一目了然; 二來佢哋除甜品外仲有四款 “無肉奇蹟” 素食餐,可謂開咗甜品店嘅先河。🤓介紹吓四款素食餐先,由於餐牌上標籤嘅全素/蛋奶素有錯,同店員了解過之後,整理如下:🥟 Pesto 意大利餃(蛋奶素)$88店員話呢個有芝士,所以非餐牌講嘅全素。🛢️意大利白松露鮮蘑菇竹筒燴飯 (全素)$98🍔 三小 ?! 和牛漢堡(全素)$126餐牌話係蛋奶素,但店員話其實係全素,因為醬汁都係素嘅。🐮 酥皮威靈頓牛柳配蕃薯條(蛋奶素)$146由於酥皮有蛋漿所以係蛋奶素。本身想清清哋食竹筒飯但賣哂,漢堡包又好似普通啲,所以就揀咗威靈頓牛柳。話時話呢個係我人生第一次食嘅威靈頓牛柳(無論肉版或素版)。😅呢個由於準備需時,起碼預 20 至 30 分鐘,所以如果太肚餓建議叫其他餐,或者叫啲甜品食住等。⏰酥皮都幾香口而且層次分明,不可能肉就素食者都唔陌生啦,啖啖肉,口感爽脆又多
更多
甜品之前响尖沙咀,旺角都有分店,葵芳新都會廣場 4 樓嘅新店更主打素食,實在係一眾素友嘅好消息。🎉
525 瀏覽
0 讚好
0 留言
你可能會問,甜品店梗係素食㗎啦,唔通糖水會落肉咩?冇錯我心中都有呢個疑問 🤣,但睇咗佢哋餐牌就會明白:一來佢哋將食品標籤得好清楚,係全素定蛋奶素一目了然; 二來佢哋除甜品外仲有四款 “無肉奇蹟” 素食餐,可謂開咗甜品店嘅先河。🤓
82 瀏覽
0 讚好
0 留言
91 瀏覽
0 讚好
0 留言
628 瀏覽
0 讚好
0 留言
591 瀏覽
0 讚好
0 留言
介紹吓四款素食餐先,由於餐牌上標籤嘅全素/蛋奶素有錯,同店員了解過之後,整理如下:

🥟 Pesto 意大利餃(蛋奶素)$88
店員話呢個有芝士,所以非餐牌講嘅全素。

🛢️意大利白松露鮮蘑菇竹筒燴飯 (全素)$98

🍔 三小 ?! 和牛漢堡(全素)$126
餐牌話係蛋奶素,但店員話其實係全素,因為醬汁都係素嘅。

🐮 酥皮威靈頓牛柳配蕃薯條(蛋奶素)$146
由於酥皮有蛋漿所以係蛋奶素。

本身想清清哋食竹筒飯但賣哂,漢堡包又好似普通啲,所以就揀咗威靈頓牛柳。話時話呢個係我人生第一次食嘅威靈頓牛柳(無論肉版或素版)。😅

呢個由於準備需時,起碼預 20 至 30 分鐘,所以如果太肚餓建議叫其他餐,或者叫啲甜品食住等。⏰
酥皮威靈頓牛柳配蕃薯條
$146
16 瀏覽
0 讚好
0 留言
酥皮都幾香口而且層次分明,不可能肉就素食者都唔陌生啦,啖啖肉,口感爽脆又多汁。以呢個價錢試到素威靈頓牛柳都好抵食吓,而且呢度唔收加一服務費喎。🤑

跟餐送杯熱嘅日本宇治抹茶,都幾好飲,如果再大杯啲就好喇。🍵

葵芳兩大商場夾埋雖然好多嘢食,但素食嘅比例真係偏少,剩係一個西九龍中心已經完勝佢哋。真漢子以為其他食客都係叫甜品多,但原來都好多人 order 素食餐,實在令人鼓舞。😊 杏甜品係一個好開始,希望慢慢可以令葵芳變成一個素食嘅綠洲。💚💪
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2023-04-09
等候時間
20 分鐘 (堂食)
人均消費
$140 (晚餐)
推介美食
酥皮威靈頓牛柳配蕃薯條
$ 146