影片
更多
2021-08-24
22 瀏覽
🔺 Espresso Alchemy放假同老公出去尖沙咀睇傢俬順便hi 個tea, 行到呢頭見到呢間餐廳坐滿人應該有信心保證😂😂🔻咖啡白朱古力西多士（$49)多士個邊鬆脆唔硬身，餡料薄薄一層個咖啡味已經好出，反而唔係幾覺有朱古力味，面層有糖霜甜甜地，碟上又有果醬裝飾酸酸甜甜😋😋一份多士已經有咁多元化。🔻火雞胸芝士意大利三文治配黑加倫子果醬（$68)三文治烘過熱辣辣，芝士溶溶地有少少拉絲，火雞胸肉肉嫩又都幾大舊下，但係食唔出有果醬😂不過都好食既。🔻特濃朱古力 ($31)我夠膽講呢到既特濃朱古力係真係最濃既😂其他地方既特濃朱古力完全不外如是，飲完呢間仲覺得出面果d 係搵笨，你見佢細細一杯，但佢既濃度係好似冇加水加奶咁，但飲落口係順滑既，唔會漿住漿住😍😍🔻伯爵茶鮮奶朱古力 ($45)個人感覺伯爵茶同朱古力比例大約7:3,伯爵茶味道比較出，但整體上都飲到朱古力味既，甜度就唔會太甜，同埋加阻鮮奶提高埋個滑度，所以好順口，呢杯真係可以ancall 再ancall😋總結：呢間餐廳飲品比食物出色，但整體都唔錯，價錢同質素都係正比既。餐廳既模式比較free style , 自己搵位坐，自己去收銀機到落o
放假同老公出去尖沙咀睇傢俬順便hi 個tea, 行到呢頭見到呢間餐廳坐滿人應該有信心保證😂😂
🔻咖啡白朱古力西多士（$49)
多士個邊鬆脆唔硬身，餡料薄薄一層個咖啡味已經好出，反而唔係幾覺有朱古力味，面層有糖霜甜甜地，碟上又有果醬裝飾酸酸甜甜😋😋一份多士已經有咁多元化。
🔻火雞胸芝士意大利三文治配黑加倫子果醬（$68)
三文治烘過熱辣辣，芝士溶溶地有少少拉絲，火雞胸肉肉嫩又都幾大舊下，但係食唔出有果醬😂不過都好食既。
🔻特濃朱古力 ($31)
我夠膽講呢到既特濃朱古力係真係最濃既😂其他地方既特濃朱古力完全不外如是，飲完呢間仲覺得出面果d 係搵笨，你見佢細細一杯，但佢既濃度係好似冇加水加奶咁，但飲落口係順滑既，唔會漿住漿住😍😍
🔻伯爵茶鮮奶朱古力 ($45)
個人感覺伯爵茶同朱古力比例大約7:3,伯爵茶味道比較出，但整體上都飲到朱古力味既，甜度就唔會太甜，同埋加阻鮮奶提高埋個滑度，所以好順口，呢杯真係可以ancall 再ancall😋
總結：呢間餐廳飲品比食物出色，但整體都唔錯，價錢同質素都係正比既。餐廳既模式比較free style , 自己搵位坐，自己去收銀機到落order 之後坐低就會有人拎餐比你既，唔知係咪因為咁，所以佢都冇加一服務費呢樣野既😂咁都幾好丫～
張貼
