旦王

營業中

休息中

今日出左旺角旦王買重慶酸辣粉食, 雖然好想食小辣 但喉嚨有少少唔舒服..所以只敢叫微辣食, 幸好微辣都有微辣的好味!配料份量足, 碗中有大量榨菜, 花生, 芫茜, 仲有D肉碎! 食既時候花生都仲係脆既! 薯粉口感煙韧有咬勁, 如果份量可以再多D就仲好 (因為食完一碗都有少少唔夠喉)..而最重要的一環:湯底煮得好香好濃郁, 淨係聞落去已經令人流口水...味道夠麻夠香, 我估應該有用多種材料製成的好好食!令人食既時候都一邊食薯粉一邊飲左好多啖湯..不過這些重口味的食物真是間唔中食一次就好了, 畢竟太濃味都唔太健康呢!!