時新快餐店 (已結業)

呢間快餐店差唔多係由細食到大。好細個果陣就由屋企人帶我去，到大個之後就由我帶人去；每一個我帶去D朋友都讚不絕口，好食過出面連鎖式賣D漢堡包好多倍。佢地即叫即整，新鮮熱辣；雖然鋪頭細細，人流來得快走得快。Very good個包係即叫即烘，食落去好脆口；漢堡扒夠厚夠肉汁，咬落去連埋芝士、沙律汁、雞蛋係一絕。今日因為唔肚餓所以無食薯條。但係薯條都好好食，因為唔會返炸、唔會有油澺味。每次去親都只係食呢個飽，我比較鍾情於呢個雙層芝士蛋漢堡！簡直滿分同埋佢地會照顧其他唔識講廣東話o既人，英文、國語都難唔到佢地；雖然講得唔係好純正，但係都體會到細心。