影片
更多
2016-07-19
406 瀏覽
先二三日個身出紅疹，食中藥都唔敢食太辣，呢幾日見好番好多～麻辣癮要爆啦～放工同個靚女fd去食個麻辣餐先～人生有個食得辣嘅朋友，的確好極！！！食辣真係要搵啱伴，先可以食得痛快架！試左甘多麻辣，呢間都算喺我心中排行好頭嘅位置，今次已經係食第n次，就等我同大家分享下佢嘅美味啦～呢次食係老川皇嘅街舖，我想話正正佢嘅對面，有一間樓上鋪分店，雖然呢間街舖坐得冇甘舒服迫夾d同比較嘈，但果間樓上舖實在太多人等位喇～我地2個女仔一共叫左4様野：麻辣豬耳：麻辣汁好夠味，完全啱晒我呢d重口味人仕，薄片豬耳好爽口～其實只係呢碟野已經夠晒我送一碗飯！提提唔食芫茜嘅朋友，佢芫茜較多，落單時記住remark！麻辣土豆絲：唔想食甘多肉，又唔想食內臟嘅話，士豆絲係非常好嘅選擇，辣汁嘅味道，拍得住豬耳個汁！土豆絲係特別煮法，所以食起黎係爽口，唔係平時粉粉地嘅口感～一碗酸辣粉：呢個第一次叫，覺得一般，湯底冇特別，配菜比較少～仲有，辣子雞丁未食過呢味菜又怕辣嘅人，見到一定會呆左，但其實d辣椒可以話係得個樣，唔係真係想像中甘辣，而且辣度係可以揀架，平時我落單會叫佢額外加＂麻＂，食到個咀麻麻痺痺，好刺激架～雞粒炸到好乾身，雞皮脆
食中藥都唔敢食太辣，
呢幾日見好番好多～麻辣癮要爆啦～
放工同個靚女fd去食個麻辣餐先～
人生有個食得辣嘅朋友，的確好極！！！
食辣真係要搵啱伴，
先可以食得痛快架！
試左甘多麻辣，
呢間都算喺我心中排行好頭嘅位置，
今次已經係食第n次，
就等我同大家分享下佢嘅美味啦～
呢次食係老川皇嘅街舖，
我想話正正佢嘅對面，有一間樓上鋪分店，
雖然呢間街舖坐得冇甘舒服迫夾d同比較嘈，
但果間樓上舖實在太多人等位喇～
我地2個女仔一共叫左4様野：
麻辣豬耳：麻辣汁好夠味，完全啱晒我呢d重口味人仕，薄片豬耳好爽口～其實只係呢碟野已經夠晒我送一碗飯！提提唔食芫茜嘅朋友，佢芫茜較多，落單時記住remark！
麻辣土豆絲：唔想食甘多肉，又唔想食內臟嘅話，士豆絲係非常好嘅選擇，辣汁嘅味道，拍得住豬耳個汁！土豆絲係特別煮法，所以食起黎係爽口，唔係平時粉粉地嘅口感～
一碗酸辣粉：呢個第一次叫，覺得一般，湯底冇特別，配菜比較少～
仲有，辣子雞丁未食過呢味菜又怕辣嘅人，見到一定會呆左，
但其實d辣椒可以話係得個樣，
唔係真係想像中甘辣，
而且辣度係可以揀架，
平時我落單會叫佢額外加＂麻＂，
食到個咀麻麻痺痺，好刺激架～
雞粒炸到好乾身，雞皮脆卜卜，
好香口，雞粒偏鹹，如果食白飯就會剛剛好，
每次食呢個餸就好似玩尋寶game，
喺辣椒堆中，搵下搵下就會有粒雞～
太正啦～食到變左孖潤腸！仲冒出微微嘅汗水，爽快！
好滿足，又可以止住幾日麻辣癮喇！
張貼
