王家沙．花樣年華 (又一城) (已結業)

放假去咗又一城，晚飯唔知食咩好，見到呢間好多人等位，諗住應該都唔錯，見價錢唔算太貴，就等埋一份，原來都好快就有位。松子桂花魚$238見到有呢個食即點😍，桂花魚拆晒骨，炸到皮脆肉嫩，個醬汁絕對係精粹，酸甜開胃。配料都幾好食，有爽口蝦仁、松子、蕃茄、青豆、菠蘿。京醬肉絲配薄餅$98肉絲份量幾多，肉嫩爽口，一啲都唔嚡。京蔥係重點，加咗即刻又香又惹，食咗個口臭都理得咁多😂薄餅得4塊太少，我覺得份量可以俾double。黃金蟹粉麻球$78呢個其實係煎堆仔，裏面餡料就用咗蟹粉，食落去外面嘅芝麻香口，跟住係軟糯嘅煎堆仔在入邊就係有蟹粉嘅肉餡，味道不過不失。鮮肉胡椒餅$52烤餅上面有啲芝麻幾香口，肉餡都算豐富，胡椒味唔算好濃，熱辣辣食都幾好味。鮮肉生煎包$52呢個冇我想像中好食，包應該唔係生煎的，雖然底部都煎得金黃脆脆，但係一咬開冇肉汁流出，感覺只係食緊煎過嘅普通肉包。