鮮芋仙 (東港城)

營業中

休息中

個人最愛的仙草甜品，暫時都係鮮芋仙為首選，每次都會叫招牌甜品-招牌仙草沙冰 $48，以仙草凍作為基底，個人最推薦走沙冰，因為可以食更多仙草（仙草愛好者要收藏），大滿足！滑嘟嘟，口感又帶有少許煙韌，非常嫩滑柔軟，而且仙草味濃郁。一上台，仙草未有加入奶，由自己加奶，落奶前可以試下仙草原汁原味，再考慮加唔加奶，亦可以自己決定奶嘅份量，落奶食又有另一種風味。個人口味可以自己調整，不錯不錯。仙草上有超級煙韌既芋圓，粒粒都好有嚼勁， 好Q彈！食落口感彈牙，有淡淡的芋頭，蕃薯香氣。鮮芋鮮奶綠 $38平時較少揀飲品，多數食甜品為主，今次試了凍嘅鮮芋鮮奶綠，完全係衝着「鮮芋」嚟買，雖然今次芋頭比較硬身，但每啖飲到粒粒芋頭，濃芋頭香、奶香。