影片
更多
2024-02-04
136 瀏覽
一直都對吉列豬扒情有獨鍾，聽聞這一間宴美豚是新進駐香港，位於鑽石山荷里活廣場內，位置方便，就決定同朋友嚟試吓。聽聞呢度嘅豬扒來自北海道，鮮嫩多汁，令到我都好期待！午市時間接近滿座，果然過江龍係唔同啲。今次我哋食咗吉列豬扒柚子蘿蔔蓉定食，配以日本米白飯、椰菜、植物及豚肉味噌湯。定食仲可以免費添加椰菜添🫶🏻🫶🏻吉列豬扒炸得非常鬆脆，金黃色的，肉質鬆化多汁，伴以新鮮磨碎嘅蘿蔔蓉，脆而不膩。吉列豬扒加上蘿蔔蓉同埋柚子醋，可以中和一下炸物嘅油膩，同埋有清新嘅口感。磨碎白芝麻，一路磨嘅時候仲有陣陣嘅芝麻香，然後倒入吉列汁，就可以用嚟點吉列豬扒啦🤭將吉列豬扒點上秘製醬汁，同埋磨碎咗嘅白芝麻，係日本嘅傳統食法。我將芝麻汁同埋柚子汁混合再倒喺椰菜上面，酸酸地幾開胃！味噌湯有冬菇、蘿蔔、豚肉、海帶，並非一般坊間嘅醬料包。第二個黑炭咖喱吉列海鮮定食，包含咗大蝦🍤、吉列蠔、吉列帶子、吉列三文魚，不得不讚一讚佢嘅吉列蠔～內裏非常Juicy，仲帶有少許海水鹽味，唔會炸到乾咗。蔥花吞拿魚腩米餅，由細到大都好鍾意食拖羅，今次將吞拿魚腩放喺香脆嘅米餅上面，唔需要點醬汁已經食到最原始嘅鮮味。整體來說，質素好唔錯，店員服務
午市時間接近滿座，果然過江龍係唔同啲。
今次我哋食咗吉列豬扒柚子蘿蔔蓉定食，配以日本米白飯、椰菜、植物及豚肉味噌湯。定食仲可以免費添加椰菜添🫶🏻🫶🏻
吉列豬扒炸得非常鬆脆，金黃色的，肉質鬆化多汁，伴以新鮮磨碎嘅蘿蔔蓉，脆而不膩。
吉列豬扒加上蘿蔔蓉同埋柚子醋，可以中和一下炸物嘅油膩，同埋有清新嘅口感。
磨碎白芝麻，一路磨嘅時候仲有陣陣嘅芝麻香，然後倒入吉列汁，就可以用嚟點吉列豬扒啦🤭
將吉列豬扒點上秘製醬汁，同埋磨碎咗嘅白芝麻，係日本嘅傳統食法。
我將芝麻汁同埋柚子汁混合再倒喺椰菜上面，酸酸地幾開胃！
味噌湯有冬菇、蘿蔔、豚肉、海帶，並非一般坊間嘅醬料包。
第二個黑炭咖喱吉列海鮮定食，包含咗大蝦🍤、吉列蠔、吉列帶子、吉列三文魚，不得不讚一讚佢嘅吉列蠔～內裏非常Juicy，仲帶有少許海水鹽味，唔會炸到乾咗。
蔥花吞拿魚腩米餅，由細到大都好鍾意食拖羅，今次將吞拿魚腩放喺香脆嘅米餅上面，唔需要點醬汁已經食到最原始嘅鮮味。
整體來說，質素好唔錯，店員服務態度都好好，我又搵到一間喜愛的吉列豬扒店！
張貼
