六両三 (已結業)

喺社交平台見到餐廳要急流勇退，做到4月中就要暫時退下火線，休業。聽到哩個消息忍住要即刻去光顧，作最後衝刺 。晚上六時多，門口已經要排長龍啦。好彩都只係排左15分鐘就有得食啦。牛肉牛丸麵台灣粗麵夠煙un,湯底夠火喉，好入味。牛肉有4，5塊，絕對唔少，肉質軟稔，又入味。牛丸好彈牙，仲好有肉汁，超正。肉噪飯朋友對肉噪飯讚不絕口，夠地道 我地仲share左啲小食。溏心蛋好流心，百頁豆腐QQ的，味道口口感都唔錯。牛三寶拼盤有牛肉，牛筋，牛肋條。牛筋入口即化，滋味十足。牛肋條啖啖肉，但又唔會痴牙，正。仲有飲品減減膩。台灣菜式夠地道，服務又親切，如果之後仲有機會品嘗就好啦。