吉豚屋吉列豬扒專門店

營業中

休息中

呢間餐廳成日都比到我驚喜！以吉列豬扒來講，佢真係做得非常唔錯。入口佢出面嘅外層，脆皮、輕、薄、鬆散，但係入邊嘅豬扒仍然保持到濕潤及有肉汁，呢個真係要值得一讚嘅！豬扒底下配襯左一大堆幼細嘅椰菜絲，你可以跟沙律醬撈埋嚟食當沙律，減低熱氣嘅感覺。而佢嘅吉列豬扒就有獨家醬去襯托，但我個人就比較鐘意點芝麻醬。就算配烏冬或者飯都非常適合，而且今日原來發現佢有下午茶餐，只係需要40幾蚊，已經有大大塊豬扒10分抵食。