影片
更多
2022-12-07
177 瀏覽
平時好少特登搵川菜食，因為我唔係好食得辣野，不過朋友介紹左間餐廳係唔食辣都OK，岩哂我胃口！最近發現原來熊貓小雲吞開左好多分店~ 柴灣店面比較細，座位唔多，但內部都乾淨企理，性價比仲好高添！雖然店面唔大，但係menu有好多野揀~ 有一口豚肉雲吞﹑湯麵﹑熱撈麵﹑川式涼麵﹑手工涼皮﹑串串鍋﹑涼拌小食﹑炸物﹑甜品，應有盡有，選擇多到好難揀呀！♢ 🥟栗米豚肉 x 鮮蝦豚肉 $45一口雲吞係餐廳既招牌菜，有5款選擇，仲可以自選雙拼~ 雲吞皮薄滑溜，蝦肉夠結實，豚肉都好香滑，原來餐廳用左上等豬肉手工製作架！驚唔夠飽既話仲可以追加配菜，好似食車仔麵咁。我揀左長洲大魚蛋 (+$12)，大大粒又夠爽口彈牙，唔錯！雲吞一啖一粒size岩岩好，lady都可以食得好優雅，其實20粒都好快食哂！叫碗雲吞仲可以揀埋湯底，有辣有唔辣，我就揀左人氣清雞湯 ，湯頭清甜入味，忍唔住飲多幾啖湯添~♢ 🐥芝麻鹽焗雞川式涼麵 $52賣相好似一個精緻便當咁，有d似食緊飛機餐~ 雞肉係係鹽焗芝麻味，口感嫩滑又冇乜肥膏。值得一讚既係D雞起哂骨，食落啖啖肉！涼麵落左花生﹑脆脆豆﹑蒜茸黎調味，夠哂香濃~ 個set仲包左3款涼菜︰青瓜﹑海
雖然店面唔大，但係menu有好多野揀~ 有一口豚肉雲吞﹑湯麵﹑熱撈麵﹑川式涼麵﹑手工涼皮﹑串串鍋﹑涼拌小食﹑炸物﹑甜品，應有盡有，選擇多到好難揀呀！
♢ 🥟栗米豚肉 x 鮮蝦豚肉 $45
一口雲吞係餐廳既招牌菜，有5款選擇，仲可以自選雙拼~ 雲吞皮薄滑溜，蝦肉夠結實，豚肉都好香滑，原來餐廳用左上等豬肉手工製作架！驚唔夠飽既話仲可以追加配菜，好似食車仔麵咁。我揀左長洲大魚蛋 (+$12)，大大粒又夠爽口彈牙，唔錯！雲吞一啖一粒size岩岩好，lady都可以食得好優雅，其實20粒都好快食哂！叫碗雲吞仲可以揀埋湯底，有辣有唔辣，我就揀左人氣清雞湯 ，湯頭清甜入味，忍唔住飲多幾啖湯添~
♢ 🐥芝麻鹽焗雞川式涼麵 $52
賣相好似一個精緻便當咁，有d似食緊飛機餐~ 雞肉係係鹽焗芝麻味，口感嫩滑又冇乜肥膏。值得一讚既係D雞起哂骨，食落啖啖肉！涼麵落左花生﹑脆脆豆﹑蒜茸黎調味，夠哂香濃~ 個set仲包左3款涼菜︰青瓜﹑海帶同五仁菜脯丁，非常豐富呀！
♢ 🦆涼拌松花皮蛋 $22
皮蛋既調味適中，點埋豉油都唔會太鹹。份量都ok，有兩粒完整既皮蛋。
♢ 🍡紅糖糍粑 $28
糍粑係用糯米整成，口感似食緊mochi~ 炸過後既糍粑好香脆，內層口感軟淋淋又帶點煙韌，唔會痴牙，加左紅糖都甜而不膩~ 推薦必點！
♢ 🫖冷泡御翠烏龍茶 $12 (跟餐)
加少少錢就有咁大支冷泡茶，好抵呀！朋友點左呢個，茶味甘香，烏龍茶都幾出。
♢ 🍑氮氣香桃茶 $12 (跟餐)
呢款係餐廳自家製飲品，原來加左氮氣可以隔絕氧氣，會產生大量細小氣泡，所以就會好似啤酒咁有綿密既泡沫，口感獨特！飲品仲帶有桃既清新果香，茶味亦夠香濃，值得一試！
熊貓小雲吞既野食價錢貼地親民，叫左成枱野食埋單都只係$180咋，可以話係全港最平川菜！餐廳仲有自家製醬料同小食賣，我揀左樽辣椒油孝順父母~ 佢地試過都幾鍾意，好鬼惹味~ 食辣既朋友可以try try呀！
張貼
