影片
更多
2016-11-28
2693 瀏覽
朋友仔生日，約好4個人去食生日飯慶祝一下朋友仔話見天氣開始涼 ，又係打邊爐好時機！為左就大家都係住九龍 就揀左係九龍城食！九龍城真係越黎越多特色野食，而今次我地就Book左食牛精皇 未入到去已經見到好大個牛頭係門口 。而另1樣吸引就係大大條既象拔蚌 ，仲有鮑魚同其他海鮮 一入去仲見到有生蠔添！店舖唔算大 但座位幾闊落坐得好舒服 亦唔會好大油煙～坐低一陣 侍應姐姐就送上調味架 ，6款配料可以加落豉油度 。呢度睇menu係用iPad 架。由於花多眼亂唔知點揀好 侍應姐姐就向我地推介4人餐 因為4人餐好抵！$1488已包1條$888既象拔蚌！！waaaa勁抵～一於食呢個餐 我地仲補差價轉左牛精皇湯底！湯底好濃郁！侍應姐姐仲係我地面前加入牛精皇湯底既料～有牛筋牛尾牛肚等等，真係超足料！！好快其他火窩料已經送晒上台面 好有效率！跟餐既美國特級肥牛 真係幾肥美食落好有牛味好香 咬落肉質幾稔，唔錯～黑豚肉幾有驚喜 因爲咬落爽脆 唔會成口油～手打三寶丸 大大粒 3款之中我最鐘意食蝦丸！一咬落去 超彈牙，我馬上叫d fd試 好好食！咁彈牙證明真係手打無講大話！食到一半主角象拔蚌出場！！！waaaa我地幾
朋友仔話見天氣開始涼 ，又係打邊爐好時機！
為左就大家都係住九龍 就揀左係九龍城食！九龍城真係越黎越多特色野食，而今次我地就Book左食牛精皇 未入到去已經見到好大個牛頭係門口 。而另1樣吸引就係大大條既象拔蚌 ，仲有鮑魚同其他海鮮 一入去仲見到有生蠔添！店舖唔算大 但座位幾闊落坐得好舒服 亦唔會好大油煙～
坐低一陣 侍應姐姐就送上調味架 ，6款配料可以加落豉油度 。呢度睇menu係用iPad 架。由於花多眼亂唔知點揀好 侍應姐姐就向我地推介4人餐 因為4人餐好抵！$1488已包1條$888既象拔蚌！！waaaa勁抵～一於食呢個餐 我地仲補差價轉左牛精皇湯底！湯底好濃郁！侍應姐姐仲係我地面前加入牛精皇湯底既料～有牛筋牛尾牛肚等等，真係超足料！！
好快其他火窩料已經送晒上台面 好有效率！跟餐既美國特級肥牛 真係幾肥美食落好有牛味好香 咬落肉質幾稔，唔錯～
黑豚肉幾有驚喜 因爲咬落爽脆 唔會成口油～
手打三寶丸 大大粒 3款之中我最鐘意食蝦丸！一咬落去 超彈牙，我馬上叫d fd試 好好食！咁彈牙證明真係手打無講大話！
食到一半主角象拔蚌出場！！！waaaa我地幾個即刻影相～因為好大盤 好誇張 真係成條象拔蚌剌身！！好興奮要即刻新鮮食 鮮味十足 非常爽口！師傅刀功好 1片片切得好薄 ，好有咬口爽脆，好正！
食到最後食埋手打烏冬 ，烏冬好滑 配上濃郁湯底 簡直完美！大家都食到飽飽 大合照過後 為朋友仔生日畫上完美句號。
張貼
