寶膳餐廳

營業中

休息中

鴨脷洲大街一向都臥虎藏龍，有好多好好食既餐廳。今晚去左一向好中意食既扒房，好彩有訂位，門口有好多人等緊。燒紐西蘭西冷牛扒: 牛扒份量好大份，切開好多肉汁流出黎，對牛扒生熟程度拿捏得好好，係真係做到我想要既5成熟，又唔會覺得好生。配埋燒汁食更加好味，或者點少少茄汁。配菜都煎得好香，薯仔係爽嗰種，仲有西蘭花同蕃茄。鴨胸凱撒沙律: 菜好新鮮好爽，沙律醬酸酸甜甜特別開胃。加左少少芝士粉同麵包糠味道更豐富。鴨胸都好食，件數又多。佢既湯同咖啡都好飲，如果食得多啲既朋友可以叫set。價錢好合理，性價比好高。