影片
更多
2022-07-30
6918 瀏覽
呢度嘅野儲埋3次一次過打😂2021年生日、2021年紀念日同2022年生日都去左Amigo慶祝。呢間餐廳嘅裝修比較古舊，因為都開左好耐喇，舊都正常，同埋傳統式嘅西餐廳香港已經越來越少，趁Amigo仲開，真係要珍惜每一次嘅到來。餐廳用Gueridon service，每一個做service 嘅同事都好專業同快手，做慢少少都唔得呀，好忙架。餐具係金銀器，依家出去食飯都冇乜機會見到。牛油係師父專登整成玫瑰花形狀，好有心思。必吃頭盤：頭盤方面每次我地都一定要點嘅係蒙古生牛肉他他，呢道菜只有傳統西餐廳先食到，亦唔係間間都有。加埋侍應混好嘅醬汁，我完全唔覺生牛肉，撈埋一齊食真係非常好。呢個係散點嘅，必吃，出面真係好少會食得到。第二個必吃係酥皮湯，可以加錢做龍蝦湯。餐廳係即做，最好預早預訂，唔係日日都有。睇到條片個酥皮真係好鬆脆。個湯熱辣辣，黎得食飯就唔好在意卡路里啦🤪如果你冇三高，可以揀埋煎鵝肝，呢個都係我最愛，佢個煮法比較特別，鵝肝下面墊住白蘿蔔，原來可以去一去油膩。主菜：一定會揀牛柳，食得生可以叫3成熟，怕生可以叫5成熟，太熟就浪費左舊牛喇。羊扒或者羊柳都係我地次選，因為我地都受得住陣羊騷味，
2021年生日、2021年紀念日同2022年生日都去左Amigo慶祝。
呢間餐廳嘅裝修比較古舊，因為都開左好耐喇，舊都正常，同埋傳統式嘅西餐廳香港已經越來越少，趁Amigo仲開，真係要珍惜每一次嘅到來。
餐廳用Gueridon service，每一個做service 嘅同事都好專業同快手，做慢少少都唔得呀，好忙架。餐具係金銀器，依家出去食飯都冇乜機會見到。
牛油係師父專登整成玫瑰花形狀，好有心思。
必吃頭盤：
頭盤方面每次我地都一定要點嘅係蒙古生牛肉他他，呢道菜只有傳統西餐廳先食到，亦唔係間間都有。
加埋侍應混好嘅醬汁，我完全唔覺生牛肉，撈埋一齊食真係非常好。呢個係散點嘅，必吃，出面真係好少會食得到。
第二個必吃係酥皮湯，可以加錢做龍蝦湯。餐廳係即做，最好預早預訂，唔係日日都有。睇到條片個酥皮真係好鬆脆。個湯熱辣辣，黎得食飯就唔好在意卡路里啦🤪
如果你冇三高，可以揀埋煎鵝肝，呢個都係我最愛，佢個煮法比較特別，鵝肝下面墊住白蘿蔔，原來可以去一去油膩。
主菜：
一定會揀牛柳，食得生可以叫3成熟，怕生可以叫5成熟，太熟就浪費左舊牛喇。羊扒或者羊柳都係我地次選，因為我地都受得住陣羊騷味，食羊絕對冇問題。
甜品每次黎都唔同，每一個都有驚喜，佢嘅招牌甜品係古法拿破崙，我自己就麻麻，但唔差嘅。
之前冇愛疫情影響，會有一隊樂隊即場演奏，可以點歌，不過佢地只會唱啲較古舊嘅英文歌，唔錯架，用黎溝女一流架🤣
食過唔少餐廳，我自認傳統西餐或者Fine dining都冇十間，喺我記憶中暫時都仲未有第二間西餐廳打破Amigo 喺我心目中嘅地位。每次食完飯都飽到撐，唔會好似出面啲海景餐廳或者酒店食完等如冇食咁。
極推，唔係專登同佢賣廣告。傳統餐廳執得一間得一間，可以食到嘅時候去試一次不過份。我要儲錢再食一次😋😛
張貼
