李家 (山林道)

營業中

休息中

李家嘅炸雞係我食過最好食嘅，每個月都要食一次先開心。朋友想食無骨嘅，我叫左一個無骨嘅甜辣炸雞，即使加咗醬，炸雞依然非常脆，甜辣醬唔會太辣，無骨雞啖啖肉，夠兩至三個人食。仲叫左個炸蝦仔，炸到非常香脆，叫黎送酒非常一流，而且份量唔少，一班朋友一邊飲酒一邊傾吓計最好。本來想叫魚籽湯，可惜咁啱賣晒，就叫咗海鮮湯，第一次試估唔到海鮮咁多，入邊有大蝦、蟹、魷魚等等嘅海鮮，冬天凍冰冰飲一碗即刻成個人暖曬。佢哋仲會送一啲小菜，食太多都唔怕油膩。