影片
更多
2024-06-13
29 瀏覽
之前已經食過好多次koka，因為喺正屋企樓下，非常方便，通常都係同朋友行完Donki之後行多1分鐘就嚟到啦佢哋嘅枱面有一個串燒嘅保溫盤，保持住食物嘅溫度職員態度唔錯，雖然越夜越多人（通常都係年青人🤣）但都一眼關七，好主動幫我哋收碟戲肉嚟啦！次次都會必點佢哋嘅大漠烤羊肉串～醃得好靚，羊肉有少少臊味亦都唔會過濃，味道太吸引，結果我哋兩個食咗三轉羊肉串😅喺朋友嘅強烈要求下，我哋嗌咗烤虎皮青椒，意想不到咁好食，表面嘅孜然粉本身已經好吸引，青椒入面唔會燒到乾水，所以一定要再encore多一round老顧客必點嘅燒韭菜～非常Juicy，不過建議要一上枱就即刻食韭菜，否則水份會慢慢燒乾今次嗌咗蒜蓉粉絲魷魚，入邊有娃娃菜、大量粉絲同埋𠝹開咗嘅魷魚。我哋以前曾經嗌過麻辣版嘅蒜蓉粉絲魷魚，但係麻辣味真係太勁🤣另一個就係Q彈大魷魚，旁邊有好脆口嘅蜜豆作為伴碟，原隻魷魚喺街市買都唔平，所以呢個價錢都接受到～咬落又真係幾彈牙泰式Q彈小豬頸肉充滿蜜豆嘅香味，豬頸肉好爽口，帶有少少蜜糖嘅豬頸肉肥瘦相間酸辣粉好有以前去成都食街頭小食嘅風味，簡簡單單嘅榨菜花生芫荽，真係會令人食上癮燒雞軟骨都好考技巧～雞軟骨本身好多油，
佢哋嘅枱面有一個串燒嘅保溫盤，保持住食物嘅溫度
職員態度唔錯，雖然越夜越多人（通常都係年青人🤣）但都一眼關七，好主動幫我哋收碟
戲肉嚟啦！次次都會必點佢哋嘅大漠烤羊肉串～醃得好靚，羊肉有少少臊味亦都唔會過濃，味道太吸引，結果我哋兩個食咗三轉羊肉串😅
喺朋友嘅強烈要求下，我哋嗌咗烤虎皮青椒，意想不到咁好食，表面嘅孜然粉本身已經好吸引，青椒入面唔會燒到乾水，所以一定要再encore多一round
老顧客必點嘅燒韭菜～非常Juicy，不過建議要一上枱就即刻食韭菜，否則水份會慢慢燒乾
今次嗌咗蒜蓉粉絲魷魚，入邊有娃娃菜、大量粉絲同埋𠝹開咗嘅魷魚。我哋以前曾經嗌過麻辣版嘅蒜蓉粉絲魷魚，但係麻辣味真係太勁🤣
另一個就係Q彈大魷魚，旁邊有好脆口嘅蜜豆作為伴碟，原隻魷魚喺街市買都唔平，所以呢個價錢都接受到～咬落又真係幾彈牙
泰式Q彈小豬頸肉充滿蜜豆嘅香味，豬頸肉好爽口，帶有少少蜜糖嘅豬頸肉肥瘦相間
酸辣粉好有以前去成都食街頭小食嘅風味，簡簡單單嘅榨菜花生芫荽，真係會令人食上癮
燒雞軟骨都好考技巧～雞軟骨本身好多油，但係上碟嘅時候覺得油脂適中～超卜卜脆!
張貼
