想甜嚐甜

營業中

休息中

想甜嚐甜｜西環呢間甜品店有兩間分店，一向都有好多特別口味嘅心太軟，好似開心果味、玫瑰味等🧁之前食過一次佢嘅阿華田心太軟都唔錯，估唔到佢之前喺愚人節期間竟然推出期間限定嘅芫荽心太軟☘️身為芫荽愛好者嘅我就梗係要去試下伏唔伏啦🤩芫荽心太軟配鳳梨乳酪雪糕呢個咁eye-catching嘅心太軟一上到枱都feel到隔離枱驚奇嘅目光🤣除咗主角芫荽心太軟同埋鳳梨乳酪雪糕之外，仲有大量嘅新鮮芫荽伴碟☘️☘️有少少懷疑係咪要連埋一齊食，一切開入面青綠色嘅流心湧晒出嚟🤤猶如置身青青草原一樣，就咁睇都feel到好fresh好健康🌿估唔到一入口係比較似綠茶味，後面先有一陣陣芫荽嘅餘韻衝返上嚟，突出到芫荽味之餘又唔怕好奇怪，本身諗住芫荽心太軟會幾伏下😂點知原來芫荽用嚟整甜品都幾夾👍🏻而個蛋糕體嘅芫荽味相對上就冇咁重，但係新鮮焗起幾脆身，唔經唔覺就食晒成個😋鳳梨乳酪雪糕雖然鳳梨味唔太突出🍍但係酸酸地又非常軟滑，好啱用嚟清一清個口，至於啲新鮮芫荽...加埋落個心太軟食「茜」味就更加突出，不過建議撈埋雪糕一齊食比較夾🍦