影片
更多
2021-05-08
3064 瀏覽
最近一間泰國曼谷人氣粉紅系打卡餐廳Lady Nara黎到香港，登陸海港城，鋪位前身係Blue Elephant Thai Brasserie，佔地約4000呎，Nara係一間好有名氣既泰國餐廳，而Lady Nara就黎呢間泰國曼谷米芝蓮泰菜Nara既姐妹品牌，唔係食泰菜而係食Fusion菜，今次就黎一試呢間泰國曼谷過江龍到底好無食定係得個樣。呢間Lady Nara有分兩條線，一條係傳統既泰色菜，而另一副線就係主打西式Fusion，而香港呢間係門口既羅籌機以揀食邊條線，Nara Thai Cuisine就係傳統泰國菜，而Lady Nara就係Fusion，主打特色歐陸菜式，加上泰國元素，兩邊食既野完全唔同。Nara Thai Cuisine連續多年獲選「最佳泰國食府」，係泰國當地人氣餐廳，成日去泰國既大家可能都已經聽過甚至試過，而佢其實係兩年前已經登陸香港沙田，開左第一間分店，但今次成為城中熱話既係上年12月進駐既姐妹品牌Lady Nara，所以今次就試Lady Nara。餐廳秉承曼谷Central Embassy 總店風格，裝修主要田園風同輕奢華風格，行入去已經感受到曼谷總店精粹，牆身
最近一間泰國曼谷人氣粉紅系打卡餐廳Lady Nara黎到香港，登陸海港城，鋪位前身係Blue Elephant Thai Brasserie，佔地約4000呎，Nara係一間好有名氣既泰國餐廳，而Lady Nara就黎呢間泰國曼谷米芝蓮泰菜Nara既姐妹品牌，唔係食泰菜而係食Fusion菜，今次就黎一試呢間泰國曼谷過江龍到底好無食定係得個樣。
呢間Lady Nara有分兩條線，一條係傳統既泰色菜，而另一副線就係主打西式Fusion，而香港呢間係門口既羅籌機以揀食邊條線，Nara Thai Cuisine就係傳統泰國菜，而Lady Nara就係Fusion，主打特色歐陸菜式，加上泰國元素，兩邊食既野完全唔同。Nara Thai Cuisine連續多年獲選「最佳泰國食府」，係泰國當地人氣餐廳，成日去泰國既大家可能都已經聽過甚至試過，而佢其實係兩年前已經登陸香港沙田，開左第一間分店，但今次成為城中熱話既係上年12月進駐既姐妹品牌Lady Nara，所以今次就試Lady Nara。
餐廳秉承曼谷Central Embassy 總店風格，裝修主要田園風同輕奢華風格，行入去已經感受到曼谷總店精粹，牆身多為夢幻粉紅色，加上綠色天然植物甚多加上綠色天然植物甚多典雅綠與粉紅交疊，店內有唔小位置都好適合打卡，尤其係窗口邊可以望住海港城既海景，另外近門口有一個藤韆鞦比人打卡，而店內座位都有D係泰國製孔雀藤椅，坐落舒適，卡位沙發都坐到三四個人，好岩一班閨蜜一齊傾計聚會。
之前已經好想試，有次星期六過黎個時係門口已經勁多人，羅完飛之後見到要等30張床就放棄左，之後一心諗住再戰。有次下定決心諗住打去book位，係平日星期三，原來booking已經去到兩個月後，佢有留位比人Walkin，於是大概夜晚6點幾去到，人流反而無咩，等左2個字到就入左去，店員提供用餐時間得90分鐘，我覺得要食野又要影相可能唔太夠。
睇下餐牌，有前菜、沙律、漢堡包、意粉同燴飯，另外仲有肉類同海鮮，餐牌上既選舉其實唔算多，大概每個類別有4款左右，而飲品方面有d好打卡既野飲，都有大家熟悉既泰式奶茶。值得一提係香港店有好多限定菜，多以海鮮為主。
-
1️⃣ 松露芝士薯條 💰68（👅: 7.5/10）
松露芝士薯條
$68
55 瀏覽
1 讚好
0 留言
松露芝士薯條幾大碟，薯條係粗身，咬落夠脆夠鬆化，粉紅色既係蒜蓉蛋黃醬，但點完唔太食得出特別好食，有上面既松露芝士已經足夠，黑松露芝士醬識落松露味都足夠，唔會話太過鹹，咁當然同我食過最好食嘅松露醬將有距離，而且松露嘅香味欠奉。
-
2️⃣⃣ 軟殼蟹和牛漢堡配薯條💰168（👅: 8/10）
軟殼蟹和牛漢堡配薯條
$168
64 瀏覽
1 讚好
0 留言
同龍蝦冬蔭意粉比，呢個軟殼蟹和牛漢堡份量就大得多，女仔一個人食應該會食唔哂。
漢堡入面係自家製既和牛漢堡扒同原隻炸軟殼蟹，加上冬蔭功蛋黃醬同酸甜雞醬，材料仲有蕃茄、菜同車打芝士。
漢堡味道唔錯，面包有烘過黎，因為有冬蔭功蛋黃醬，所以食落有小小辣。
入面既和牛漢堡，餐廳DEFAULT會整五成熟，如果無特別要求，不過有人講過免治牛肉要食全熟，所以大家可以決定係食全熟定係medium，和牛食落夠juicy，厚度適中。軟殼蟹份量夠大，炸得夠乾身，食落幾多膏。
入面既每樣食材係味道同質地上都處理得好好，但當所有食材連埋個包一齊食，就會發現包入面既水份太多，尤其係蕃茄，好多漢堡包既致命點就係落左蕃茄，蕃茄既水份會令到個包浸腍左，面包原身有烘過理應食落係香脆，但會比太多蕃茄水整到腍哂，而且太多水份令到麵包食起上黎好狼狽，如果可以處理呢舍問題會係一個好出色既漢堡，呢家食落都算唔錯。
漢堡會配份量唔小既薯條同埋一啲沙津菜，薯條有提供茄汁，薯條係粗直，食落唔會話炸到好燶唔會好乾身，而且會食到薯仔既味道，係唔錯既薯條。
-
3️⃣⃣ 龍蝦冬蔭意粉 💰188（👅: 8/10）
龍蝦冬蔭意粉
$188
49 瀏覽
1 讚好
0 留言
呢樣係其中一樣香港店限定菜式，龍蝦冬蔭意粉入面有龍蝦肉、蕃茄、蘑菇、檸檬草。
冬蔭功味同龍蝦味好平衝，唔會話邊個搶邊個既味，不過稍嫌冬蔭功味唔夠香辣。
龍蝦肉大約有4-5舊，上菜仲會見到有條龍蝦尾，用上波士頓龍蝦，食落水嫩爽口彈牙，爆香後龍蝦味道濃郁，係好品質夠新鮮既龍蝦。
意粉食落唔會煮到腍腍爛爛，軟硬適中得黎帶小小煙韌，配合番茄莎莎、鯷魚等炒香，吸滿醬汁帶微酸十分開胃，不過份量就偏細，如果女仔食應該岩岩好，但男仔食或者好似我SHARE咁食就覺得唔太夠喉。
-
4️⃣⃣ 原隻香芋烤雞💰328（👅: 8.5/10）
原隻香芋烤雞
$328
35 瀏覽
1 讚好
0 留言
呢樣係另一樣香港店限定菜式，係必食既香茅烤雞，烤雞有得叫半隻或者原隻，價錢分別係198同328，點單時店員有主動提醒要等40分鐘。
餐廳服務非常好，首先會原隻雞上比人打卡影相先，之後就會羅返入廚房斬件，如果唔駛特別影相可以要求店員直接斬好件上菜。
雞用上原隻黃油雞，用左魚露、青檸汁、香茅等18 款香料醃製過夜，之後將新鮮香茅釀入雞腔，再用 180 度烤焗半個鐘，未食已經諗到燒雞香味，醃得非常入味，雞食落皮非常香脆，帶酥香焦脆味，但隻雞係全熟既情況下，雞肉都係充滿肉汁，一啲都唔乾，食落味道鹹香十足，好少見到泰式燒雞做到呢個狀態。
另外仲提供個辣汁，辣汁用左羅望子，食起黎會有D酸味，小小辣更惹味。
-
5️⃣ 泰式奶茶意大利芝士餅💰88（👅: 9/10）
泰式奶茶意大利芝士餅
$88
46 瀏覽
2 讚好
0 留言
呢個係最IGable既甜品，上菜時會有一杯mascarpone cream比你倒落去，以前好似店員會可以幫你倒埋，呢家就淨係比杯cream你自己倒。杯cream倒完落去個意大利芝士餅就會營造到好佚火山爆發咁，cream會滿瀉哂出黎，呢個唔係傳統既Tiramisu，係一個Fusion版Tiramisu。
用匙羹將用匙羹將刮到底刮到底，食落會有Tiramisu既影子，偏甜，mascarpone cream比起平時花奶更濃稠細滑，意大利芝士餅食落軟綿綿，口感輕盈，因為佢係用泰式奶茶取代espresso，所以就無咖啡味，我個人唔太鍾意重咖啡味所以幾岩我，不過泰式奶茶既奶茶就重，泰式奶茶口感Creamy，而且奶味較重，配上煉奶同白Rum酒浸頭手指餅，輕盈而不膩，質感濕潤，係一個幾特別幾好食既Tiramisu。
-
6️⃣ 玫瑰奶茶流心蛋糕💰88（👅: 7.5/10）
玫瑰奶茶流心蛋糕
$88
40 瀏覽
1 讚好
0 留言
係一個玫瑰奶茶口味既心太軟，心太軟用泰國玫瑰花茶底、茶葉等做成流心餡料，配搭消化餅碎同雲尼拿雪糕，聞到小小花香味，心太軟流心程度夠，而且溫度夠熱，食落有小小冰火交集既口感，食落泰茶味唔算好濃烈，但小小既玫瑰香令到成個甜品無咁漏。
-
7️⃣ 玫瑰泰奶茶💰48（👅: 8/10）
玫瑰泰奶茶
$48
41 瀏覽
1 讚好
0 留言
試左咁多杯呢杯最正常，將奶香、茶香、花香三者融合，飲落有花香味，重玫瑰香，入口香滑，口感層次豐富，不過茶味就比較淡，而且上面既cream比較薄身，比一般既泰式奶茶冇咁甜，唔鍾意太甜既就好適合。
-
8️⃣ 荔枝玫瑰碟豆花茶💰48 （👅: 6.5/10）
個樣睇落好夢幻，但好睇既野多數都唔好食，飲到荔枝味、玫瑰味、碟豆花茶味，但所有野夾埋一齊甜品怪怪。
-
9️⃣ 香茅碟豆花梳打💰48 （👅: 7.5/10）
要拌勻黎飲，甜中帶有青檸清新感覺，算係比較正常又睇得既梳打。
-
🌟未黎之前會覺得餐廳D野都係打卡用，好睇唔好食，不過去完就覺得食物都可以，但我會更推薦去試下午茶，可以趁日頭有陽光有日光，坐係窗邊位影相，不過呢家訂位係BOOK唔到窗邊枱，所以坐唔坐到窗邊位就睇要睇下好無彩。
野食黎講有D正常，有D有驚喜，野飲好多都麻麻，如果以300蚊人均去食就唔太抵，但如果你有海港城COUPON就可以一試。
隨左平時食FUSION菜之外，Lady Nara仲推出左田園野餐風既下午茶，有多款泰式點心，加入左好多泰國元素好似芒果脆糯米飯、斑蘭英式鬆餅、迷你蝦餅粉紅漢堡、冬蔭醬汁等，而且下午茶以野餐藤籃做盛器，仲會鋪上紅白格仔桌布，特別有田園野餐氣息，仲會送Lady Nara限量版明信片一套同本地投寄服務。
-
👅味道: 8.5/10
🍴環境: 7.5/10
💰消費: $300人均 (服務費: 10%)
張貼
