影片
更多
2024-12-22
209 瀏覽
今年冬至剛好在星期六，剛剛喺石硤尾體育館打完波，下午茶時段好肚餓，問左住係深水埗的朋友，佢推介我食桃園。係體育館行過來都係十分鐘左右，非常方便。見到佢餐牌個麻辣米線好吸引，所以今日就食黃金魚片角麻辣米線啦。餐桌上有小食廣告，加18蚊有三條魚肉春卷，28蚊有五條，睇返佢個午市也有魚肉春卷魚片頭麻辣米線，要50蚊，但飲品半價。茶餐38加18但可以包熱飲，應該咁加抵啲。麻辣米線送到來,蔥花花生放係匙羹上面，可以按喜好放落湯中。魚片頭有四舊，好彈牙，魚味十足，仲有一塊扁豆卜，吸曬麻辣湯底嘅精華。對於唔食辣嘅朋友，呢一個湯底應該係幾辣嘅，但對於嗜辣嘅我，呢個味道恰當好處。魚肉春卷，質地硬淨，香脆可口，浸一陣麻辣湯，更加好味。寒冷天氣警報生效，當然係飲返杯熱飲啦，所以點左杯麥可可，味道適中。我食完麻辣米線，飲埋杯熱飲，成個人暖笠笠，正。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9
係體育館行過來都係十分鐘左右，非常方便。
見到佢餐牌個麻辣米線好吸引，所以今日就食黃金魚片角麻辣米線啦。
餐桌上有小食廣告，加18蚊有三條魚肉春卷，28蚊有五條，睇返佢個午市也有魚肉春卷魚片頭麻辣米線，要50蚊，但飲品半價。
茶餐38加18但可以包熱飲，應該咁加抵啲。
麻辣米線送到來,蔥花花生放係匙羹上面，可以按喜好放落湯中。
魚片頭有四舊，好彈牙，魚味十足，仲有一塊扁豆卜，吸曬麻辣湯底嘅精華。對於唔食辣嘅朋友，呢一個湯底應該係幾辣嘅，但對於嗜辣嘅我，呢個味道恰當好處。
魚肉春卷，質地硬淨，香脆可口，浸一陣麻辣湯，更加好味。
寒冷天氣警報生效，當然係飲返杯熱飲啦，所以點左杯麥可可，味道適中。我食完麻辣米線，飲埋杯熱飲，成個人暖笠笠，正。
滿分為10分（一分最低，10分最高）
食物：9
環境：9
衛生：9
服務：9
價錢：9
舒適度：9
總分：9
張貼
