瑞士餐廳

營業中

休息中

今次一行四人預早慶祝生日同聖誕去咗依間因好評如潮令大家都期待以久嘅餐廳。入到去就感受倒濃濃芝士味。裝潢都很瑞士風格(雖然未去過瑞士)令人覺得好warm。一坐低侍應就拎一兜麵包每人揀兩舊打底。先嚟就叫咗個前菜三味三文魚配白麵包。見識淺陋嘅我哋以為個白麵包係用嚟夾住啲三文魚食。點知原來白麵包嘅用途係用嚟清走上一塊三文魚嘅味refresh口腔。三文魚啲味都幾濃。加咗檸檬汁就中:。跟住叫咗一個薯餅配豬肉超級好味。薯餅 係食得出一條條薯條。勁香脆加埋個豬肉同汁一齊食可算perfect matc:。主菜終於出場。揀咗個濃味芝士火鍋配牛肉丸加原粒小薯仔同麵包。夠晒飽好啱冬天食。不過可能揀返個淡啲嘅芝士火鍋會更啱:。定瑞士菜都係偏重口味?!一個完滿嘅晚餐點少得甜品呢?!最後叫埋依個朱古力火鍋配綿花糖(驚你唔夠甜)同多款生果。雖然都幾甜。但個朱古力好濃好滑同啲生果一齊食好:。周圍氣氛幾好對個晚餐都會加分。不過依種瑞士菜唔算平。當然偶爾高檔吓又當慶祝都算值得:。嘢食嘅味道都比較濃。如果驚太heavy可能揀啲少芝士組合嘅火鍋會更佳。